कार्टुन क्रूजका प्रमुख आश्मा र सरोज 'ट्वान्टी फर्स्टलभ'
चर्चित डान्स ग्रुप 'कार्टुन क्रूज' का प्रमुख आश्मा विश्वकर्मा र सरोज अधिकारी अभिनित सिरिज 'ट्वान्टी फर्स्टलभ' (21st Love)को ट्रेलर सार्वजनिक भएको छ । बुधबार राजधानीमा पत्रकार सम्मेलन गर्दै ट्रेलर सार्वजनिक गरेको यस सिरिज केहि दिनपछि नै टेलिभिजन तथा युट्युवमा रिलिज हुनेछ।
किशोर किशोरीको प्रेम कथाको संग्रहको रुपमा आउँदै गरेको सिरिजको सार्वजनिक ट्रेलरमा युवा पिँढीको प्रतिनिधित्व गर्ने दृश्यहरु जोडिएको छ । ट्रेलर सार्वजनिक कार्यक्रममा निर्माण कम्पनि एसियन म्युजिकका ईश्वर गुरुङले पछिल्लो पुस्तालाई तार्गेट गरेर तयार पारिएको सिरिज सबै वर्गका दर्शलहरुको लागी मनोरञ्जनको खुराक बनेको दाबी गरे ।
लिड कलाकार सरोजले टिम वर्क र 'हार्ड वर्क'का कारण सिरिज निकै राम्रो बनेको भन्दै आफुहरुलाई हिजोदेखि माया गर्दै आएका कोहिपनि सिरिजबाट समेत निराश नपर्ने तर्क गरे । निर्देशक शरिन पोखरेल डेब्यू निर्देशकिय प्रोजेक्टबाट उत्साहित देखिए ।
मिलन शंकर र ज्ञानेन्द्र शर्माले खिचेको सिरिज 'ट्वाण्टी फर्स्टलभ'लाई सम्पादनको काम अशोक मल्लले गरेका छन् भने गीत संगीत तर्फ अल्मोडा राना, मेलिना राई र शुभ तामाङले सहकार्य गरेका छन् । मनोज जोशी प्रोडक्सन डिजाईनर रहेको निर्माण टिममा सह निर्माता दिपेन्द्र तामाङ र खगेन्द्र श्रेष्ठ छन् ।
कमेडी र भावनात्मक पक्षलाई समेत समावेश गर्दै युवावस्थाको बदलिँदो प्रेमभावलाई मार्मिक र समय सापेक्ष रुपमा प्रस्तुत गर्ने जमर्को सहित वेभ सिरिज तयार भएको निर्देशक पोखरेलले बताए । उनका अनुसार सिरिजमा तीनवटा फरक लभस्टोरीलाई एउटै धागोले बाँध्ने प्रयत्न गरिएको छ ।
सिरिजमा आश्मा र सरोजसँगै, अनुश्का अधिकारी, संयोग हुमागाईं, निशान्त सुवेदी, रोश्नी कार्की, विजय अधिकारी, दृष्टी श्रेष्ठ लिड रोलमा रहँदा लक्ष्मी गिरी, रश्मी भट्ट, पवन शाक्य, खगेन्द्र श्रेष्ठ, राधा श्रेष्ठ, अन्जन शर्मा लगायतले पारिवारिक पृष्टभुमीमा आप्नो आफ्नो भुमिका निभाएका छन् । सिरिजको टेलिभिजन प्रदर्शन अधिकार कान्तिपुर टेलिभिजनले लिईसकेको छ ।
