नेपालमा आउन लागेका सलमानले भने, ‘नेपाल तयार हो जाओ’

उनले भिडियो समेत शेयर गरेका छन् । उनले भनेका छन्, ‘सम सलमान खान । १० मार्चमा टुँडिखेल नेपालमा म आउँदैछु । मसँग रमाइलो गर्न तयार रहनुहोस् ।’

यसअघि पनि फेसबुकमा सलमानले लेखेका थिए,‘नेपाल हामीलाई ‘स्वाग से स्वागत’ गर्ने होइन ?’ २४ वर्ष अघि नेपाल आएका सलमान फागुन २६ गते काठमाडौंको टुँडिखेलमा हुने कार्यक्रममा सहभागी हुनेछन् ।

उनीसँगै बलिउड नायिका सोनाक्षी सिन्हा, अभिनेता, निर्देशक तथा कोरियोग्राफर प्रभु देवा, ज्याकलिन फर्नान्डिज, डेजी शाह, कृति सेनोन, मित ब्रदर्श, अभिनेता तथा उद्घोषक मनिष पल पनि आउनेछन् ।

सलमानलाई नेपाल ल्याउन लागेको ओडीसी इन्टरटेन्मेन्टले सो कार्यक्रम हेर्नका लागि २ हजारदेखि १० हजारसम्म टिकट मूल्य तोकेको छ ।