स्वेता र दयाहाङ एक अर्काको साथमा रमाउँदै ( गीत )
अभिनेता दयाहाङ राई र अभिनेत्री स्वेता खड्का अभिनित फिल्म ‘कान्छी’को तेस्रो गीत सार्वजनिक भएको छ । ‘यो मन रमाँउदै’ बोलको गीत बिहिबार राजधानीमा एक कार्यक्रमको बीचमा सार्वजनिक गरिएको हो । गीतमा दिवाकर भट्टराईको शब्द, अर्जुन पोखरेलको संगीत अन्जु पन्त र युवराज चौलागाईंको स्वर रहेको छ ।
उक्त गीतको भिडीयोमा बसन्त श्रेष्ठको कोरियोग्रफी रहेको छ । सार्वजनिक गीतमा दयाहाङ राई र स्वेता खड्का फिचरिङमा छन् । स्वेता खड्काले निर्माण गरेकी फिल्मलाई आकाश अधिकारीले निर्देशन गरेका हुन् । दयाहाङ र स्वेताको अलावा फिल्ममा अनु शाह, प्रज्जवल सुजल गिरी र भूमिका श्रेष्ठको अभिनय छ । फिल्ममा पुरुषोत्तम प्रधानको छायांकन रहेको छ ।
