२०१८ को विश्वकपमा छनौट हुन नसकेको नेदरल्याड्सलाई रोनाल्डले पार लगाउलान् ?

एभर्टनको प्रशिक्षकबाट बर्खास्त भएपछि कामविहीन बनेका रोनाल्डले नेदरल्याण्ड्सको फुटबल संघसँग साढे ४ वर्षको सम्झौता गरेका छन् । जुन मार्च २३ तारिखदेखि इंग्ल्याण्डविरुद्धको खेलबाट लागु हुनेछ र २०२२ सम्मको सम्झौता रहेको छ ।

५४ वर्षीय डीक एड्भोकाटले २०१८ को विश्वकपमा टिमलाई छनोट गराउन नसकेपछि राजिनामा दिएका थिए । त्यसपछि नेदरल्याण्ड्सको मुख्य प्रशिक्षक पद खाली थियो ।

नेदरल्याण्ड्सका पूर्व खेलाडी समेत रहेको रोनाल्डले खेल जीवनमा राष्ट्रिय टिमबाट ७८ क्याप जितेका थिए । जसमा उनले १४ गोल गरेका थिए । १९८८ को युरोपियन च्याम्पियनसिप नेदरल्याण्ड्सले जित्दा रोनाल्ड टिमका सदस्य दिए ।

एभर्टनको प्रशिक्षक हुँदा रोनाल्डले पहिलो सिजनमा क्लबलाई प्रिमियर लिगको सातौँ स्थानमा राखेका थिए । यस्तै साउथह्याम्टनको प्रशिक्षक पनि भइसकेका रोनाल्डले आफनो कार्यकालमा टिमलाई छैटौ र सातौ स्थानमा राखेका थिए ।

नेदरल्याण्ड्स २०१० को विश्वकपको उपविजेता हुँदा २०१४ मा तेस्रो स्थानमा रहेको थियो । तर २०१६ को युरोकप र रसियामा हुने विश्वकपमा भने स्थान बनाउन सकेन ।