चलचित्र ‘मंगलम्’ को ट्रेलर रिलिज, पुष्प, शिल्पा र पृथ्वीको त्रिकोण कथा [भिडियो]
बारम्बार रिलिज मिति सर्दै आइरहेको चलचित्र ‘मंगलम्’ को ट्रेलर सार्वजनिक भएको छ । पुष्प खड्का, शिल्पा पोखरेल र पृथ्वीराज पर्साईंको को मुख्य भूमिका रहेको चलचित्रको ट्रेलर युट्युबमार्फत रिलिज गरिएको हो ।
नवल नेपालले निर्देशन गरेको चलचित्रका दुई गीत पहिले नै सार्वजनिक गरिएको थियो । चलचित्रले सार्वजनिक गरेको गीत ‘पर्ख पर्ख मायालु’ गीत चर्चामा छ । चलचित्रको ट्रेलरमा त्रिकोणात्मक सम्बन्धलाई प्रस्तुत गरिएको छ ।
पुष्प, शील्पा, साम्राज्ञी शाह, पृथ्वीराज प्रसाईं, नीर शाह, मिथिला शर्मा लगायतका कलाकारले अभिनय गरेको चलचित्रलाई विजेन्द्र शाक्य, साकार शाक्य, ओम गुरुङ र छविराज ओझाले चलचित्रलाई निर्माण गरेका हुन् ।
चलचित्रमा गोविन्द फुयाँलको कथा, फुयाँल र नवल नेपालका संवाद र विष्णु कल्पित घिमिरेको छायांकन रहेको छ ।
चलचित्र आउँदो फागुन २५ बाट रिलिज हुँदैछ ।
